SHTATË KILOMETRA MË!

Ku i ka gurët kufiri i Kosovës?

Nëpërmjet kryeministrit të saj Kosova falënderon Malin e Zi dhe popullin e saj për përkrahjen që ku vend fqinjë i jep Kosovës dhe pavarësisë së saj! Kështu informon sot media shqiptare e Kosovës. Kryeministri i Kosovës poashtu ka pritur ngrohtësisht ministrin e kulturës nga Mali i Zi dhe delegacionin e këtij vendi që sot ka qëndruar në Prishtinë me rastin e promovimit të Forumit të miqësisë Kosovë- Mali i Zi " Radovan Zogoviç".

Ndërsa nga komuna e Burimit dhe Pejës bëhet me dije se banorët e këtyre dy komunave vazhdojnë të përballen me shqetësime serioze për shkak se pak nga pak po humbin tokat e tyre që po ua grabit shteti i Malit të Zi.

Mali i Zi merr toka shqiptare përgjatë kufirit, i luan hunjët e gardhit e kryeministri i Kosovës ia shtron kulaqin, bukë e kripë e zemër dhe e lavdëron mysafirin e vendit fqinj se na kanë njohur pavarësinë!

Edhe inegritetin territorial?

Po, po edhe integritetin territorial; marrin ndoj parcelë po s´ka gajle. Kosova ka boll, bile si tepër, prandaj pse mos ti nderojmë mysafirët, sidomos këta që i kemi fqinjë!

Mandej s´ka kuptim ti çojmë hundët për 7 kilometra, pak më pak ose pak më shumë!/shs/.

SUEDIA DO TË PRANOJË MË PAK REFUGJATË?

Sipas planeve që ka partia në pushtet, Suedia do të pranojë më pak refugjatë në krahasim me vitet e kaluara. Ministri për çështje të migrimit Tobias Billström konsideron që duhet ulë volumi si për azilkërkues ashtu edhe për migrimin e të afërmve.

Zyrtarët nga partia në pushtet Moderatët theksojnë që Suedia  do të vazhdojë të jetë vend i hapur dhe do tu jap njerëzve mundësi për të ardhë këtu por do të pranojë numër të refugjatëve për aq sa mund ti përballojë.

Planet e këtilla kanë hasur në reagime të aleancës qeveritare si dhe nga organizata rinore e Moderatëve.

Ministri për migrim Tobia Billström ka thënë se Suedia ka pranuar më së shumti refugjatë nga vendet e UE. Por një politikë e këtillë është e paqëndrueshme sipas tij./shs/.

GJUHA MEDIATIKE

Në disa media perëndimore testohen ide e mendime për ta ndryshuar veprimtarinë informuese përmes lajmeve. Në këtë drejtim rrotullohen shumë gur, shumë tradita vihen në pikëpyetje. Njohësit gjuhësor afrojnë fjalë dhe shprehje alternative.
Do të provohen forma të reja në përpunimin e lajmeve dhe në prezentimin e programeve. Një pjesë e kësaj pune ka të bëjë me gjuhën dhe në këtë fushë fokusimi është më i madh në mënyrë që lajmet të kuptohen më mirë dhe të përjetohen më këndshëm.

Propozime:

1. Përdorni fjalë të përditshmërisë dhe shprehje të thjeshta. Si psh. "vendosi" e jo mori vendim.

2. Konsultoni fjalorin e sinonimeve për të gjetur fjalë të nyansuara dhe më ekzakte. Personi që intervistohet s´duhet gjithëmonë të "thot" diçka, nganjëherë duhet të tregojë, të përmend, të pohojë, të sqarojë e të ngjashme.

3. Termat special duhet ti sqaroni ashtu si dhe shprehjet e vështira. Po ashtu shkurtesat duhet të thuhen në tërsi. Shmangëju shprehjeve difuze si psh "bashkësia ndërkombëtare"

4. Lirohuni nga shprehjet që jep burimi yt

5. Përgjithësisht përdorni figuracione dhe metafora të qarta.

6. Tekstin shkruaje qartë dhe me logjikë. Krijo një fije të kuqe dhe ndiqe fijen.

7. Lidhe tekstin me fjalë lidhëse që të ndihmojnë në sqarimin e rrethanave përshkruese: sepse, meqenëse, megjithëse, në saje të etj.

8. Përdor urëza të thjeshta që ta ndihmosh dëgjuesin për të kaluar në temën e re: dhe tani kalojmë në Pejë….Ose: gjithashtu do bëjmë fjalë për çmimet e ushqimit…Ose: Ju kujtohet maceja që mashtroi zjarrfikësit javën e kaluar - tash….

9. Së fundi dhe hiç më pak e rëndësishme - provoni tekstin e shkruar dhe formulimet e bëra me dikënd që ju dëgjon. Diskutoni çështjet gjuhësore në redaksi. Keni guxim për kreativitet. Do të mjaftonte që vetëm mes një formulimi ta tërhiqni interesimin dhe vëmendjen e dëgjuesit, lexuesit.

KONSUMONI SA MË PAK KRIPË

Pesë gr në ditë përshkruhet kufiri standard i konsumimit të kripës nga personat e rritur kurse fëmijët e moshave 2 deri në 15 vjeç edhe më pak se të rriturit.

Përdorimi i lartë i natriumit mund të jetë pasojë e sëmundjeve të ndryshme që lidhen me tensionin e lartë të gjakut dhe sulmet në tru e zemër. Ulja e sasisë së kripës në ushqime ulë edhe rreziqet për tu goditur nga sëmundjet e tilla. Së paku kështu thonë burimet nga Organizata Botërore për Shëndetin (WHO).

Një pjesë e madhe e shqiptarve rëndom përdorin ushqime të stërngarkuara me kripë. Ndaj shpesh më ka rënë të dëgjoj njerëzit tanë të ankohen nga tensioni i lartë i gjakut.

Kur ua tërhe vrejtjen që të mos i hedhin shumë kripë ndonjë ushqimi ata të thonë
- S´kam ça bëj se nuk më hahet! .../shs/

Në Stockholm të Suedisë u shënua 100 vjetori i Pavarësisë

PËRVJETOR I SHPRESAVE TË BASHKIMIT KOMBËTAR

Kështu tha gazetari, publicisti dhe nënkryetari i shoqatës UNIKOMB-i, Shuquri Sejdijaj

Pjesëmarrësit i përshëndetën edhe ambasadorët e Shqipërisë dhe Kosovës, Ruhi Hado e Lulzim Peci.

Stockholm,23 nëntor 2012

Nga Muhamed Krasniqi

Në Stockholm të Suedisë u shënua 100 vjetori i pavarësisë së Shqipërisë. Në programin festiv të organizuar nga shoqata UNIKOMB-i me moton Duam më shumë Shqipëri, u demonstrua një frymë, një çasje dhe një bukuri festive që e bënë më madhështore fëmijët me programin e tyre  si dhe bashkëkombasit e tubuar e nën stolinë anekënd sallës me flamuj kombëtar.

Në mesin e qindëra bashkëkombasve qëndruan dhe përshëndetën edhe stafi i ambasadave të Shqipërisëe të Kosovës në krye me ambasadorët Ruhi Hado e Lulzim Peci.

Nënkryetari i shoqatës Unikomb-i, Shuquri Sejdijaj, duke hapur këtë manifestim dhe duke përshëndetur të pranishmit, në fjalën e tij tha se rruga e pavarësisë sonë kombëtare është shumë e gjatë. Nëpër shekuj kemi zhvilluar shumë kryengritje e lëvizje të cilat ka ndopdhur të shuhen por asnjëherë nuk u shuan dëshirat dhe shpresat e shqiptarëve për pavarësi.

Shqiptarët sot jane në pritje të Nëntorit të tretë, me shpresën se do të ribashkojmë të gjitha trojet etnike, tha Shuquri Sejdijaj.

Vallja e pavarësisë: Rina, Jona, Leonora, Liridona, Gentiana dhe Dina

 

Ky përvjetor, tha ai në vazhdim të fjalës së tij,  përvjetor i 100-ti me radhë,  mbledh sot  kudo që janë shqiptarët në këtë festë madhe  e me shpresën e bashkimit kombëtar. Kjo datë e shënuar në historinë tonë sjell gëzim të madh edhe për fëmijët tanë.

Tek sheh këta fëmijë që në këtë ditë dhe për këtë ditë ti këndojnë flamurit, atdheut, lirisë, bashkimit kombëtar e të hedhin vallen e shqipeve nuk mund të mos shkojë mendja e të pyesësh veten: sa po bëjmë për ta? Sigurisht që pajtoheni të gjithë, pak po bëjmë; ne po bëjmë pak e këta fëmijë duan dhe meritojnë më shumë.

Uroj që shoqata jonë UNIKOMB-i do të plotësoi sado pak dëshirat e kësaj gjenerate  që po rritet në mërgim.

Përshëndeti edhe kryetari i shoqatës  UNIKOMB-i,  Blenard Saraçi.

Ambasadori i Shqipërisë, Ruhi Hado, pasi uroi 100 vjetorin e pavarësisë së Shqipërisë tha se pavarësia është ngjarja më e madhe në historinë e një kombi.  Pamvarësia ndodhi vetëm për gjysmën e një kombi por kjo do të ishte e madhe për të gjithe sepse që atëherë  të gjithë shqiptarët hodhën spirancën e shpresave të tyre për pamvarësi siç ishte Pavarësia e Kosovës. Ai foli për periudhat e ndryshme nëpër të cilat kaloi shteti shqiptar.

Ndërkaq ambasadori i Republikës së Kosovës Lulzim Peci, duke u uruar të pranishmëve festën  e 100 vjedtorit të Pavarësisë së Shqipërisë, të arriturat e sotme të kombit tonë i  cilësoi si një sukses të jashtëzakonshëm sepse historia jonë kaloi nëpër sfida të ndryshme.

Ai foli edhe për rethanat gjeopolitike në fund te shekullit XX dhe tha se tani në fillim shekullin XXI po festojmë 100 vjetorin e pavarësisë, vitin tjetër do të festojmë edhe 5 vjetorin e Pavarësisë së Kosovës dhe se së shpejti Kosova do të jetë në Bashkimin Europian dhe në Nato. Ti bëjmë dy shtete të forta me standarde evropiane, tha Lulzim Peci midis tjerash.

Pastaj defiluan  me valle e këngë fëmijët si dhe me recitalin “ Edhe unë e dua Shqipërinë” të përgatitur nga Shuquri Sejdijaj dhe Shani Hoti. Fëmijët ishin të mrekullueshëm me paraqitjen e tyre duke fituar duartrokitje të shumta, për vallen e luajtur dhe recitimet e sjellura me atë rast nga Liridona Hoti, Rina Sejdijaj, Gentiana Gorçi, Leonora Selimi dhe dy motrat Bjondina e Lirjona Hoti të prira nga Lule Kryeziu. Duartroktije frenetike fituan edhe recitatorët e vegjël, Dijon Hoti, Dardan Hoxha, Yllka Maksuti, Ida Elezaj, Doresa Hoxha dhe Orienta Kadriu. Ndërkaq Leona Gjoshi e posaçërisht Grentina Krasniqi ngjalli atmosferë gufuese tek pjesëmarrësit.

Pas pjesës  zyrtare, deri në orët e vona të natës, të pranishmit i argëtoi Viola Syla Rexhaj.

Bashkëatdhetarët e pritën me kënaqësi edhe paraqitjen e dy bukurosheve nga Miss world Sweden. Doruntina Hoxha informoi për projektin e saj te grumbullimit të mjeteteve për spitalin e fëmijëve në Prishtinë. Gjatë programit bashkatdhetarët tuabuan një shumë të konsiderueshme mjetesh finansiare si kontribut ndihmës për spitalin e fëmijëve në Prishtinë.

Stockholmi, po jeton këto ditë në shenjë festive...

SPORTI  SPORT DHE POLITIKA POLITIKË

Nuk do flasim për politikën dhe shembujt e shumtë kur politika vendore ngulfatë zhvillimin e sportit shqiptar. Fokusimi ynë kalon në skenën ndërkombëtare.

Konsideroj se ende i keni të freskëta Lojërat e fundit Olimpike në Londër. Dhe kush nga shqiptarët nuk ka dëgjuar për Majlinda Kelmendin? Ishte ajo që mundi xhudisten finlandeze Jaana Sundberg në kategorinë nën 52 kg gjatë lojërave olimpike në Londër. Majlinda humbi pastaj nga konkurrentja prej Mauritanisë dhe me këte u shuan shpresat e Shqipërisë për një medalje.

Megjithë përpjekjet për të mbrojtur ngjyrat e Kosovës në këto lojëra, kjo dëshirë nuk u realizua as për Majlindën e as për shumicën e qytetarëve të Kosovës për shkak të refuzimeve nga Komiteti Ndërkombëtar Olimpik. Komiteti nuk kishte pranuar as që Kelmendi të përfaqësohet me flamur neutral olimpik. Për të realizuar pjesëmarrjen ajo shkoi në Londër si përfaqësuese e Shqipërisë në saje të shtetësisë shqiptare që e posdonte gjithashtu.

Dhe ky ishte një shembull tipik, ndër shembujt e shumtë, të lidhjeve që ende mban politika e sporti.

Kosova si shtet i pavarur është njohur nga më shumë se 90 vende të botës, ndër ato që e kanë njohur bëjnë pjesë edhe shtetet skandinave, por jo edhe nga Kombet e Bashkuara gjë që për Komitetin Ndërkombëtar Olimpik është vendimtare.

Në rast se ky Komitet Ndërkombëtar do t´kishte qenë konseguent në vendimet e veta sigurisht se nuk do të shkaktonte irritacione. Por mjerisht historia na mëson diçka tjetër. Komiteti Ndërkombëtar Olimpik ka bërë dhe vazhdon të bëj lëshime të herë pas hershme.

Palestina psh u lejua të merr pjesë në Lojërat Olimpike që nga viti 1996. Ndërkaq katër vite më herët, më 1992 në Barcelonë, sportistët jugosllav dhe maqedon u paraqitën si individ të posaçëm. Maqedonët edhe sot detyrohen të garojnë me emrin e ashtuquajtur "Ish Republika e Jugosllavisë Maqedonia - FYROM".

Në vitin 2000 në Lojërat Olimpike në Sidnej, ju lejua Timorit Lindor që ti dërgonte sportistët e vet megjithëse ky vend u bë i pavarur tek në vitin 2002.

Ndërkaq nga historia e këtyre lojërave dihet se para 100 vitesh në Stokholm merrnin pjesë Finlanda dhe Bohemia megjithëse këto vende  atëherë i takonin Rusisë, përkatësisht Austrisë.

Asgjë tjetër veçse politikë. Politikë që në rastin e Kosovës shndërrohet në vjehërr që ka mëri renë e saj. Politikë që injoron mesazhin njerëzor të sportit.  Ky mesazh nënkupton veç tjerash që ushtruesit e kësaj disipline të trajtohen si anëtar të një familje ku secilit i garantohen mundësi të njejta. Një ide naive por e bukur kjo.

Leni sportin sport e politikën politikë./shs/

BAJRUSH MJAKU ME SOKRATIN NË STOKHOLM

24 maj 2012 Stockholm/sh.sejdijaj/

Bajrush Mjaku

Aktori i njohur shqiptar nga Maqedonia, Bajrush Mjaku, u paraqit me sukse në teatrin politik të Stokholmit të njohur si Tribunal Theater. Në një nga skenat e këtij teatri u shfaq projekti teatral "Mbrojtja e Sokratit" ku rolin kryesor e luan Bajrush Mjaku. Ky projekt është mbështetur edhe nga produksioni i pavarur kulturor Interkult në Stokholm. Regjinë e kanë bërë Dritëro Kasapi dhe Dino Mustafiq. Në projekt luajnë edhe Besfort Idrizi e Ibrahim Xhemajli.

Projekti teatral "Mbrojtja e Sokratit" u luajt në gjuhën shqipe dhe në mënyrë simultane u përkthye në anglisht.

Siç dihet Bajrush Mjaku është një nga aktorët më të njohur në rajonin e vendeve të Ballkanit. Veç angazhimeve në rajon ai zhvillon një bashkëpunim të frytshëm me Interkultin e Stokholmit tash më shumë se një decenie. Me produksionet "Babai", "Zoo Story" dhe "Shënimet e një çmenduri" ka bërë turne në vende të ndryshme kurse me 24 maj u gjend në Stokholm me "Mbrojtja e Sokratit" që siç thot ai, ia kushton intelektualit e patriotit Ukshin Hoti dhe gjithë intelektualve tjerë të cilët dora e hekurt e forcave destruktive nuk arriti ti heshtë në misionet e tyre për liri dhe të drejta të njeriut.

Ky projekt merr peshë edhe më shumë për vendet e Ballkanit të cilat edhe sot e kësaj dite përballen me ndërtimin e demokracisë të përshkuar aktualisht me korrupcion ekonomik e politik dhe që ecin me agjendat e përcaktuara nga persona me kapital ekonomik.

Projekti teatral i Bajrush Mjakut u zhvillua në kuadrin e festivalit për të drejtat e njeriut të organizuar nga Teatri Tribunal i kryeqytetit suedez.